Bakının Nərimanov rayonunda keçirilən əməliyyatlar zamanı ölkəyə 24 kiloqram narkotik vasitə gətirən daha 7 nəfər tutulub. Bu haqda bu gün, 2 oktyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polis əməkdaşları tərəfindən 30 yaşlı Həsən Hacızadə, 32 yaşlı Emil Əliyev, 36 yaşlı Rüfət Mehdiyev, 24 yaşlı Nəriman Səfərov, 41 yaşlı Hamayıl Abdullayeva, 37 yaşlı Vüqar Həsənov və 34 yaşlı Yusif Məmmədov saxlanılıblar.
Onlarda 9 kiloqram heroin, 3 kiloqram metamfetamin, 12 kiloqram tərkibi psixotrop maddələrlə zənginləşdirilmiş marixuana, 800 ədəd "metadon" həbi olmaqla ümumilikdə 24 kiloqram narkotik və elektron tərəzilər aşkar edilib.
Araşdırma zamanı narkotikləri onlara Səid və Abbas adlı İran vətəndaşlarının qabaqcadan əlbir olaraq satdıqları məlum olub. Fakt araşdırılır.
