Səbail Rayon İcra Hakimiyyətinin başçısı səyyar qəbul keçirib. Bu haqda 29 iyun tarixində Səbail RİH məlumat verib.
Rayonun icra başçısı Vuqar Zeynalovun Bibiheybət qəsəbəsi, Məktəb küçəsində keçirilən görüşdə sakinlərin müraciətlərini dinləyib. Qəbulda müraciət etmiş sakinlərin şikayətləri dinlənilib, qaldırılan məsələlərin həlli istiqamətində aidiyyəti üzrə yerindəcə göstərişlər verilib.
Müraciətlərdən sonra Bibiheybət qəsəbəsində aparılan abadlıq işləri barədə sakinlərə geniş məlumat verilib.
Müraciətlərlə bağlı qəbulda iştirak edən rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilib.
