Bakıda küçədə dava düşüb. Bu haqda 25 iyun tarixində Qafqazinfo məlumat verib.
Bir neçə gün öncə Səbail rayonunda yerləşən mağazalardan birinin önündə Kamal Kamalov (şərti) səhər saat 06:25 radələrində dostları ilə gəzən zaman bir şəxsin onlara tərs-tərs baxaraq yanlarından keçdiyini düşünüb. Onun dostu həmin şəxsə yaxınlaşaraq, niyə elə baxdığını soruşub. Nəticədə sözlə başlayan mübahisə davaya çevrilib. Baxışına görə zərbə alan şəxsin ağzından qan açılıb.
Hadisə yerinə polis əməkdaşları cəlb olunublar və hər iki tərəfi bölməyə dəvət ediblər. Bu zaman K.Kamalov polisin qanuni tələblərinə tabesizlik etməyə cəhd edib. Nəticədə o, məcburi qaydada avtopatrula əyləşdirilib. Bir polis əməkdaşının xidməti forması zədələnib, jileti cırılıb.
Kamalova qarşı İnzibati Xətalar Məcəlləsinin “Polisin qanuni əmrinə tabe olmama” və “Xırda xuliqanlıq” maddələri ilə protokol tərtib olunub. Səbail Rayon Məhkəməsinin qərarı ilə ona 200 manat inzibati cərimə yazılıb.
