Bakının Səbail rayonunda 24 noyabr axşam saatlarında faciə ilə nəticələnən yanğın hadisəsi qeydə alınıb. Bu haqda BakuPlus.az Fövqəladə Hallar Nazirliyinin (FHN) mətbuat xidmətinə istinadən bu gün, 25 noyabr tarixində məlumat verir.
Yanğın 58 kv.m sahəsi olan birmərtəbəli evin mətbəxində başlayıb, binada olan taxta konstruksiyalar alışıb. Yüksək temperaturdan evin digər otağının tavanı qarsalanıb.
Hadisə yerinə FHN-in əməkdaşları cəlb olunublar, yanğın söndürülüb. Verilən məlumata görə, 1 nəfər yanıq xəsarəti alıb. Yanğın yerinin kəşfiyyatı zamanı 1 nəfərin meyiti yanğınsöndürənlər tərəfindən aşkar edilərək aidiyyəti üzrə təhvil verilib. Onun yataq xəstəsi olduğu bildirilir.
Hadisə ilə bağlı aidiyyəti orqanlar araşdırma aparır.
