Bakının Səbail rayonunda oğurluq hadisəsi baş verib. Bu haqda bu gün, 7 avqust tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Hadisə iyulun 31-də baş verib. Polisə müraciət edən A.Səfərov bildirib ki, onun 1000 manat dəyərində velosipedi oğurlanıb.
Səbail RPİ 39-cu Polis Şöbəsi əməkdaşlarının keçirdikləri əməliyyat tədbiri nəticəsində əməli törətməkdə şübhəli bilinən Yevlax rayon sakini, 39 yaşlı Vahid Məmmədov saxlanılıb.
Faktla bağlı araşdırma aparılır.
