Bakıda qamışlıq sahədə yanğın olub. Bu haqda bu gün, 9 fevral tarixində Bakuplus.az xəbər verir.
Hadisə dünən axşam Səbail rayonu, Gülbala Əliyev küçəsində qeydə alınıb. Əraziyə Fövqəladə Hallar Nazirliyinin (FHN) qüvvələri cəlb olunub. Küləkli havaya görə alovun genişlənərək bitişik evlərə və neft buruqlarına keçmə təhlükəsi olsa da, yanğınsöndürənlər bunun qarşısını alıblar.
İlkin hesablamaya əsasən, təqribən 700 kv.m sahədə qamışlıq yanıb. Ərazidəki fərdi yaşayış evləri, neft buruqları və kommunikasiya xətləri mühafizə olunub.
