Bakının Səbail rayonunda yerləşən kafedə yanğın olub. Bu haqda bu gün, 31 iyul tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Ümumi sahəsi 220 kv.m olan birmərtəbəli kafenin mətbəxinin yanar konstruksiyaları 13 kv.m sahədə və dam örtüyünün taxta atmaları 10 kv.m sahədə yanıb. Yüksək temperaturdan zalın lambirdən ibarət tavanı 20 kv.m sahədə əriyib.
Hadisə yerinə FHN-in əməkdaşları cəlb olunublar. Yanğın söndürülüb, kafenin qalan hissəsi yanğından mühafizə olunub. Xəsarət alan olmayıb.
