Şəxsin sağlamlığına qəsdən ağır zərər vurmaqla ehtiyasızlıqdan ölümünə səbəb olma faktı ilə bağlı cinayət işi başlanıb. Bu haqda bu gün, 2 noyabr tarixində Səbail rayon prokurorluğu məlumat verir.
İlkin araşdırma zamanı 58 yaşlı Mərdan Əsədullayevin aralarında yaranmış mübahisə zamanı Adil Xəlilovun gicgah nahiyəsinə daşla zərbə vurması nəticəsində sonuncunun ölməsinə əsaslı şübhələr müəyyən edilib.
Faktla bağlı Səbail rayon prokurorluğunda Cinayət Məcəlləsinin "Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda" maddəsilə cinayət işi başlanaraq istintaq aparılır, Mərdan Əsədullayev prokurorluğun qərarı əsasında iş üzrə şübhəli şəxs qismində tutulub.
Hazırda ibtidai istintaq davam edir.
09:29 - Səbaildə kişi meyiti aşkarlanıb
Bakının Səbial rayonunda səhər saatlarında üzərində xəsarət izləri olan kişi meyiti tapılıb. Bu haqda bu gün, 2 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Meyitin 63 yaşlı Adil Xəlilova məxsus olduğu müəyyənləşib. Polis əməkdaşları tərəfindən keçirilən tədbirlər nəticəsində əməli törətməkdə şübhəli bilinən 58 yaşlı Mərdan Əsədullayev saxlanılıb. Saxlanılma zamanı o, sərxoş vəziyyətdə olub. Onun tüfeyli həyat tərzi keçirdiyi bildirilir.
