Bakı Ağır Cinayətlər Məhkəməsində borca görə sələmçini öldürən şəxsə hökm oxunub. Bu barədə 11 oktyabr tarixində Qafqazinfo.az saytı xəbər verib.
Martın 29-da Tural Quliyev İrşad Manaflı ilə aralarında olan borc pula görə mübahisə edib. Daha sonra o, mətbəx bıçağı ilə Manaflının döş qəfəsinə və qarın nahiyyəsinə bir neçə zərbə vurub. Zərərçəkən xəstəxanaya çatdırılıb və onun həyatını xilas etmək mümkün olub.
Tural Quliyev Cinayət Məcəlləsinin qəsdən sağlamlığa ağır zərər vurma maddəsi ilə ittiham olunub. Məhkəmədə ona 3 il müddətə azadlıqdan məhrumetmə cəzası təyin edilib. Himayəsində azyaşlı iki uşaq olduğunu və zərərçəkmişin ondan şikayət və tələbi olmadığını nəzərə alaraq, məhkəmə cəzanı 2 ili sınaq müddəti olmaqla şərti hesab edib.
Qeyd edək ki, Manaflı günə 20% olmaq şərti ilə Quliyevə 3100 manat sələmə pul vermişdir.
