Bakının Sabunçu rayonunda oğlan itkin düşüb. Bu haqda bu gün, 9 avqust tarixində Bakuplus.az Qafqazinfo-ya istinadən xəbər verir.
17 yaşlı Azay İbrahimov avqustun 7-si səhər saat 09:00 radələrində Zabrat qəsəbəsində yerləşən evdən çıxaraq geri qayıtmayıb.
Atası İdris İbrahimovun verdiyi məlumata görə, onu sonuncu dəfə elə həmin gün axşam saat 19:00 radələrində Ağ şəhərdə taksidən düşəndə görüblər.
“Həmin gün dostları ilə dənizdə olub. Mən işdə olmuşam. Təəssüf ki, heç bir dostu ilə əlaqəmiz yoxdur. Öz telefonuna da zəng çatmır. Heç bir xəbər ala bilmirik. Evdə də hər hansı bir problem yaşanmayıb. Bu gün 15-ci polis bölməsinə müraciət etmişik. Araşdırma aparılır”, – deyə atası bildirib.
Azay İbrahimov evdən çıxarkən əynində ağ köynək, qara şalvar olub. Onu görənlərdən (050) 613-45-88 nömrəsi ilə əlaqə saxlamaları xahiş olunur.
[caption id="attachment_108956" align="alignnone" width="640"]
Foto açıq mənbədən[/caption]
