Sabunçu rayonunda sevgilisini və qızını bıçaqlamaqda təqsirləndirilən Zaur Babayevin məhkəmə prosesi başa çatıb. Bu haqda bu gün, 23 oktyabr tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin hakimi Leyla Məmmədova-Əsgərovanın hökmünə əsasən, Babayev ömürlük azadlıqdan məhrum edilib.
Hadisə cari ilin fevral ayında Maştağa qəsəbəsində baş verib. 42 yaşlı Zaur Babayev qeyri-rəsmi münasibətdə olduğu 43 yaşlı Əfsanə Şadatovanın yaşadığı evə gələrək onun əlini bağlayıb. Daha sonra onun gözü qarşısında qızı, 14 yaşlı Günay Şadatovanı zorlayıb. Sonda kişi hər ikisini bıçaqlayıb.
Z.Babayevə qarşı Cinayət Məcəlləsinin “Xüsusi amansızlıqla qəsdən adam öldürmə”, “Başqa cinayəti gizlətmək məqsədilə qəsdən adam öldürmə”, “Təqsirkar şəxs üçün aşkar surətdə köməksiz vəziyyətdə olan adamı qəsdən öldürmə”, “Zorlama, zərərçəkmiş şəxsi və ya başqa şəxsləri öldürmə və ya sağlamlığa ağır zərər vurma hədəsi ilə, habelə xüsusi amansızlıqla törədildikdə”, “Seksual xarakterli zorakılıq hərəkətləri, on dörd yaşına çatmayan şəxs barəsində törədildikdə” maddələri üzrə ittiham irəli sürülüb.
[video width="1080" height="1080" mp4="https://bakuplus.az/storage/photos/2023/10/mehkeme.mp4"][/video]
