Suraxanı rayonunda narkotik alverinə qarşı əməliyyat keçirilib. Bu haqda bu gün, 5 iyun tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı Bakı şəhər sakinləri, əvvəllər narkotiklərlə əlaqəli cinayətlərə görə məhkum olunmuş Avtandil Məhərrəmov, Vüsal Kazımov, Rail Bayqulov və Nadim Soltanov saxlanılıblar. Onlarda 3 kiloqram heroin və marixuana aşkarlanıb.
N.Soltanovun əlavə olaraq Suraxanı rayonunda bir nəfərə qarşı xuliqanlıq hərəkətləri etdiyi də məlum olub.
Həmin şəxslər narkotikləri paytaxtın ayrı-ayrı ünvanlarına yerləşdirməyi planlaşdırırdılar.
