Bakının Suraxanı rayonunun Qaraçuxur qəsəbəsində qadına zor tətbiq edən şəxs saxlanılıb. Bu haqda bu gün, 16 may tarixində Bakuplus.az Daxili İşlər Nazirliyinə (DİN) istinadən xəbər verir.
Polis əməkdaşlarının keçirdikləri tədbirlər nəticəsində Xəyal Ağayev saxlanılıb.
Araşdırma zamanı məlum olub ki, o, qadını avtobusda görəndən sonra onu izləyib, daha sonra heç kimin olmadığı ərazidə yaxınlaşaraq, ona qarşı əxlaqsız hərəkətlər edib.
Faktla bağlı cinayət işi başlanılıb. Saxlanılan şəxs barəsində məhkəmənin qərarı ilə həbs qətimkan tədbiri seçilib. X.Ağayevin qanunsuz əməllərindən zərər çəkən başqa şəxslər varsa, polisə məlumat verə bilərlər.
