Bakının Suraxanı rayonu, Yeni Günəşli qəsəbəsində sürücüyə qarşı zorakılıq edilib. Bu haqda bu gün, 15 avqust tarixində Bakuplus.az Daxili İşlər Nazirliyinə istinadən xəbər verir.
14 avqust tarixində “Khazar” markalı avtomobilə sərnişin kimi əyləşmiş 2 nəfər sürücüyə zor tətbiq edərək onun 50 manat pulunu alıb. Suraxanı RPİ 33-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən əvvəllər məhkum olunmuş N.Hümbətzadə saxlanılıb. Digər şəxsin axtarışları aparılır.
Faktla bağlı araşdırmalar davam edir.
