Bakının Suraxanı rayonunda sexin ərazisində yanğın olub. Bu haqda bu gün, 5 avqust tarixində Bakuplus.az Fövqəladə Hallar Nazirliyinə istinadən xəbər verir.
Ümumi sahəsi 50 kv.m olan dəmir konstruksiyadan ibarət tikilinin taxta atmaları, 1 ədəd plastikdən ibarət pəncərə və həcmi 1 kubmetr olan yanacaq çəninin içərisində olan yanacaq yanıb.
Hadisə zamanı yanğınsöndürənlər tərəfindən tikilinin içərisində hər birinin həcmi 50 litr olan 9 ədəd propan qaz balonu təhlükəsiz əraziyə çıxarılıb.
Hadisə yerinə FHN-in əməkdaşları cəlb olunublar. Dəzgah və talvar yanğından mühafizə olunub. Yanğın söndürülüb. Xəsarət alan olmayıb.
