Bakının Suraxanı rayonunda yerləşən mağazaların birində yanğın hadisəsi baş verib. Bu haqda bu gün, 21 sentyabr tarixində Bakuplus.az Fövqəladə Hallar Nazirliyininə (FHN) istinadən xəbər verir.
Ümumi sahəsi 600 kv.m olan ərzaq və müxtəlif təyinatlı malların satışı mağazasının dam örtüyünün taxta atmaları, şüşə-pambıq üzlük 180 kv.m sahədə və rəflərə yığılan müxtəlif təyinatlı mallar 225 kv.m sahədə yanıb. Yüksək temperaturdan 15 soyuducu, kondisioner və lambirdən ibarət tavan əriyib.
Hadisə yerinə FHN-in əməkdaşları cəlb olunublar. Yanğın söndürülüb. Mağazanın qalan hissəsi yanğından mühafizə olunub. Xəsarət alan olmayıb.
