Bakının Suraxanı rayonunda yerləşən 89 saylı tam orta məktəbdə məktəbli qızın zorakılığa məruz qalması ilə bağlı iddialarla bağlı araşdırma aparılıb. Bu haqda bu gün, 27 noyabr tarixində Bakuplus.az Lent.az-a istinadən məlumat verir.
8-ci sinifdə təhsil alan qız direktor müavininə yaxınlaşaraq iki sinif yoldaşı ilə birgə 5-ci dərsdən sonra ayaqyolunda olduğunu və onlar getdikdən sonra təzyiqə məruz qaldığını iddia edib. Məsələ ilə bağlı dərhal araşdırmalara başlanılıb.
Qızın sözlərinə görə, gözünün bağlı olduğuna görə əməli kimlərin etdiyini bilməyib. Eyni vaxtda sanitar qovşağında olan qızlar məsələ ilə bağlı heç bir məlumatlarının olmadığını söyləyiblər. Qızların sözlərinə görə, şikayət edən qız: “Mənim işim var”, – söyləyərək onları tualetdən yola salıb.
Uşağın valideynləri məktəbə dəvət olunublar. Araşdırmadan sonra evə qayıdan valideyn otaqdan övladının gizlətdiyi kəsici aləti tapdığını bildirib. Hadisə ilə bağlı hüquq-mühafizə orqanlarına müraciət göndərilib. Araşdırma zamanı məlum olub ki, şagird özü-özünə xəsarət yetirib və qorxduğu üçün yalan söyləyib.
