Bakıda kişi qonşusunu aldadıb. Bu haqda 25 iyun tarixində Lent.az məlumat verib.
Suraxanı rayonunda ev alqı-satqısı ilə məşğul olan Babək Əliyev qonşusu Sirac Quliyev tərəfindən aldadılıb. Quliyev zərərçəkmişə Çindən telefon aksesuarları gətirib satmaq vədi verib və ondan 92.500 manat pul alıb.
Həmçinin Quliyev, Babək Əliyevin yeznəsi Ehtiram Əliyevi də aldadıb. O, zərərçəkmişə Dubaydan ucuz qiymətə kompüterlər gətirəcəyini deyib, və Əliyevə sonradan həmin kompüterləri yüksək qiymətə satıb yaxşı pul qazanacağına ümid verib. Buna görə də ondan 52.000 manat pul alıb.
Beləliklə, zərərçəkmişlərin ümumilikdə 144.500 manat pulu dələduzluq yolu ilə mənimsənilib. Hazırda Sirac Quliyevin cinayət işi üzrə istintaq yekunlaşaraq Bakı Ağır Cinayətlər Məhkəməsinə göndərilib.
