Bakının Suraxanı rayonu, Hövsan qəsəbəsində paytaxt sakinindən telefon və pul oğurlamaqda şübhəli bilinən şəxslər saxlanılıblar. Bu haqda bu gün, 26 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Hadisə iyulun 25-də baş verib. Polisə daxil olan məlumata görə, Bakı sakinindən mobil telefonu və pulu naməlum şəxslər tərəfindən quldurluq yolu ilə talanıb.
Suraxanı RPİ 30-cu Polis Şöbəsi əməkdaşlarının keçirdikləri əməliyyat tədbiri nəticəsində əməli törətməkdə şübhəli bilinən Bakı şəhər sakinləri: 36 yaşlı Elməddin Rəcəbov, 23 yaşlı Nicat Şahbazov, Elvin Əhədov və Hacıqabul rayon sakini Faiq Hüseynov saxlanılıblar. Araşdırma davam edir.
