Xətaidə baş verən bıçaqlanma hadisəsində xəsarət alan şəxs çoxprofilli xəstəxanaya təxliyə olunub.
Bu barədə Bakuplus.az-a Tibbi Ərazi Bölmələrinin İdarəetmə Birliyindən (TƏBİB) məlumat verilib.
“2005-ci il təvəllüdlü şəxs (kişi cinsli) 17.09.2024-cü il tarixdə saat 19:35-də Respublika Neyrocərrahiyyə Xəstəxanasının Təcili tibbi yardım şöbəsinə ambulator olaraq müraciət edib və həkim-neyrocərrah tərəfindən müayinə olunub. Hər iki bud və sol baldır nahiyədə kəsilmiş-deşilmiş yara diaqnozu təyin edilən şəxsə zəruri tibbi xidmət göstərilib. Pasiyent təcili tibbi yardım briqadası ilə çoxprofilli xəstəxanaya təxliyə olunub”.
Xatırladaq ki, ötən gün Bakının Xətai rayonunda kütləvi dava baş verib. Hadisə Məhsəti küçəsi, 5 a ünvanında qeydə alınıb. 5 nömrəli Peşə Liseyinin IV kurs tələbəsi 2005-ci il təvəllüdlü Elmir Ramil oğlu Nəsirov sözügedən təhsil ocağının tələbəsi ilə mübahisə edib. Mübahisə zamanı tələbə E.Nəsirova xəncər vasitəsilə beş dəfə zərbə endirib. Yaralı ağır vəziyyətdə Respublika Neyrocərrahiyyə Xəstəxanasına yerləşdirilib.
12:19
Xətai rayonunda kütləvi dava baş verib.
APA xəbər verir ki, 5 nömrəli Peşə Liseyinin 4-cü kurs tələbəsi 19 yaşlı Elmir Ramil oğlu Nəsirov sözügedən təhsil ocağının tələbəsi ilə mübahisə edib. Mübahisə zamanı tələbə E.Nəsirova xəncər vasitəsilə 5 dəfə zərbə endirib.
Daxili İşlər Nazirliyindən bildirilib ki, hadisə ilə bağlı araşdırma aparılır.
