Xəzər rayonunda köməksiz qalan vətəndaş xilas olunub. Bu haqda bu gün, 20 may tarixində Bakuplus.az Fövqəladə Hallar Nazirliyinə istinadən xəbər verir.
Hadisə rayonun Türkan qəsəbəsində baş verib. 37 yaşlı Orxan Həşimov yaşadığı fərdi yaşayış evinin yanında yerləşən və giriş qapısı olmayan yarımtikiliyə pəncərədən daxil olmaq istəyən zaman yıxılıb.
Əraziyə FHN-in əməkdaşları cəlb olunublar. Vətəndaş xilas edilərək, təcili tibbi yardım briqadasına təhvil verilib.
