Bakıda tanışını bıçaqla qətlə yetirməkdə təqsirləndirilən Şəmşad Əhmədovun cinayət işi üzrə ibtidai istintaq yekunlaşaraq baxılması üçün Bakı Ağır Cinayətlər Məhkəməsinə göndərilib. Bu haqda bu gün, 19 may tarixində Report məlumat verib.
Cinayət işinə hakim Cavid Hüseynov tərəfindən baxılacaq. Məhkəmənin ilk iclasının vaxtı barədə məlumat hələ ki verilməyib.
Sözügedən hadisə 17 yanvar tarixində paytaxtın Nərimanov rayonu, Əliyar Əliyev küçəsində qətl hadisəsi baş vermişdir. 48 yaşlı Şəmşad Əhmədov aralarında yaranmış münaqişə zamanı 45 yaşlı İsa Əbdüləzimova bıçaqla xəsarət yetirmişdir. Sonuncu xəstəxanaya aparılan zaman yolda dünyasını dəyişmişdir.
