Bakı ərazisində Mərdəkan qəsəbəsindən “Neftçilər” metro stansiyasına doğru hərəkət edən 141 nömrəli marşrut avtobusu sürücüsünün davranışı sosial şəbəkələrdə insanların narazılığına səbəb olub. Bu haqda bu gün, 19 iyul tarixində Bakuplus.az Xəzər Xəbər-ə istinadən məlumat verir.
Yayılan video görüntülərdə avtobus sürücüsü telefondan istifadə edərək, kiməsə mesaj yazaraq nəqliyyat vasitəsini sürməsi ilə sərnişinlərin həyatını təhlükəyə atıb.
Sərnişinlər belə məsuliyyətsizliyə qarşı tədbirlərin görülməsini tələb edirlər.
Daşıyıcı şirkətdən bildirilib ki, məsələ ilə bağlı araşdırma aparılıb, lazımi tədbirlər görülüb və həmin sürücü işdən azad olunub.
