Paytaxtın Nərimanov rayonu, Müzəffər Nərimanov və Volodarski küçələrinin kəsişməsində yol hərəkətində dəyişikliklər baş verib. Bu haqda bu gün, 3 fevral tarixində Bakuplus.az Bakı Nəqliyyat Agentliyinə istinadən xəbər verir.
Belə ki, kəsişmədə dairəvi hərəkət ləğv olunub, əraziyə yeni işıqforlar quraşdırılıb, eləcə də bütün istiqamətlər üzrə eyni səviyyəli piyada keçidləri təşkil edilib.
Bundan sonra Müzəffər Nərimanov küçəsindəki tunel tərəfdən gələrkən Heydər Əliyev prospekti və metronun “Ulduz” stansiyası istiqamətinə dönmək istəyən sürücülər kəsişmədən sağa, Volodarski küçəsinə dönüb yeni inşa olunan ərazidən geriyə dönə bilərlər.
Ziya Bünyadov prospektindən gələn nəqliyyat vasitələri isə Xəlili Rza Ulutürk küçəsinə daxil olmaq üçün kəsişmədən sola, Müzəffər Nərimanov küçəsinə dönüb tunelin üzərindən geriyə qayıda bilərlər.
[caption id="attachment_89419" align="alignnone" width="893"]
Foto Bakı Nəqliyyat Agentliyinin rəsami saytı[/caption]
