Şüvəlan çimərliyində təmzilik aksiyası keçirilib. Bu haqda bu gün, 13 iyun tarixində Bakuplus.az Report-a istinadən xəbər verir.
“Yaşıl dünya naminə həmrəylik ili” çərçivəsində çimərlik mövsümünün başlanması ilə əlaqədar ənənəvi sahilyanı təmizlik aksiyası keçirilib.
Şüvəlan qəsəbəsindəki ictimai çimərlikdə təşkil olunmuş təmizlik aksiyasında 200 könüllü gəncin və Milli Olimpiya Komitəsi atletlərinin iştirakı ilə 2 tona yaxın tullantı toplanılaraq Balaxanı bərk məişət tullantılarının çeşidlənməsi zavoduna təhvil verilib.
Ekologiya və Təbii Sərvətlər Nazirliyi, Milli Olimpiya Komitəsi, Azərbaycan Tələbə Gənclər Təşkilatları İttifaqı, “Təmiz Şəhər” ASC-nin birgə təşkilatçılığı ilə baş tutan aksiya 5 iyun – Ümumdünya Ətraf Mühitin Mühafizəsi Gününə həsr olunub.
