Bakı şəhəri, Xəzər rayonu, Şüvəlan qəsəbəsinin ərazisində qumbara, patron və avtomat darağı aşkar olunub. Bu haqda Fövqəladə Hallar Nazirliyinin mətbuat xidməti bu gün, 14 yanvar tarixində məlumat yayıb.
Hadisə yerinə FHN-nin Xüsusi Riskli Xilasetmə Xidmətinin pirotexniklər qrupu cəlb olunub. Mütəxəssislər əraziyə girişi məhdudlaşdıraraq insanları təhlükəsiz məsafəyə aparıb. Daha sonra pirotexniklər hadisə yerinə baxış keçirən zaman həmin sursatın RQO əl qumbarası, UZRQM-2 partladıcısı, 102 ədəd müxtəlif çaplı patron və 1 ədəd istifadəyə yararsız avtomat darağı olduğunu müəyyən ediblər.
Hadisə yerində digər təhlükəli və ya şübhəli əşyalar tapılmayıb.
Oxşar hadisə, 12 yanvar tarixində baş vermişdir. Paytaxtın Nizami rayonu, Keşlə qəsəbəsində yerləşən dəmiryolu keçidində qumbara aşkarlanmışdır.
[caption id="attachment_29653" align="alignnone" width="800"]
Foto FHN-nın rəsmi saytı[/caption]
