Paytaxtın iki rayonunda oğurluq edən şəxslər saxlanılıblar. Bu haqda bu gün, 7 oktyabr tarixində AZƏRTAC məlumat yayıb.
Nizami rayonunda paytaxt sakini H.İbrahimov zor tətbiq edərək həmyerlisi M.Baxşıyevdən 350 manat pul alıb.
Digər hadisə Binəqədi rayonunda baş verib. Şərur rayon sakini E.Ramazanov rayon ərazisində yerləşən B.Albabayevin yaşadığı evdən 3000 manat dəyərində geyim və məişət əşyaları, eləcə də 350 manat dəyərində telefon oğurlayıb.
Hər iki şəxs şübhəli bilinərək saxlanılıblar. Faktlarla bağlı araşdırmalar aparılır.
Bundan əvvəl, 6 oktyabr tarixində Xətai rayonunda evlərdən və 10 ədəd avtomobildən oğurluq edən şəxs saxlanılmışdır.
