Bakıda narkokuryerlər və narkotacirlər saxlanılıblar. Bu haqda 11 may tarixində Report məlumat verib.
Xətai rayonunda narkotiklərin satışı ilə məşğul olan 12 nəfər tutulub. Saxlanılanlardan 4-ü Xətai rayonu ərazisində narkotik vasitələrin satışını həyata keçirən, qalan 8 nəfəri isə onlar üçün narkokuryerlik edən şəxslərdir. Onlardan heroin, marixuana, tiryək və psixotrop maddə olan metamfetamin aşkar olunaraq götürülüb. Saxlanılanlar xaricdə yaşayan narkotacirlərlə sosial şəbəkələr vasitəsilə əlaqə yaradaraq, Xətai və digər rayonlarda narkotiklərin satışı ilə məşğul olublar.
Faktlarla bağlı cinayət işi başlanılıb.
