Bakıda sevgilisi ilə dalaşan gənc qız bədbəxt hadisə nəticəsində ölüb. Bu haqda 4 oktyabr tarixində Bakuplus.az Milli.az-a istinadən xəbər verir.
Xətai rayonu, Ağ şəhər ərazisində oktyabrın 2-də, gecə saat 02:00 radələrində 28 yaşlı A.Cəfərova qeyri-rəsmi nikahda yaşadığı şəxslə görüşüb və onların arasında dava baş verib. Bu zaman qız qaçaraq yaxınlıqda tikilməkdə olan binaya çıxıb. Cəfərova ikinci mərtəbəyə qalxan zaman ayağının altındakı taxta sınıb və o, aşağı mərtəbəyə yıxılıb. Ağır vəziyyətdə xəstəxanaya yerləşdirilən qız orada dünyasını dəyişib.
Faktla bağlı araşdırma aparılır.
