Xətai rayonunda yanğın hadisəsi baş verib. Bu haqda bu gün, 3 iyun tarixində Bakuplus.az Fövqəladə Hallar Nazirliyinə istinadən xəbər verir.
Alışma ümumi sahəsi 140 kv.m olan birmərtəbəli 5 otaqlı evdə qeydə alınıb. Nəticədə mətbəx 16 kv.m sahədə, eləcə də tavan və dam örtüyü 60 kv.m sahədə yanıb. Həmçinin dəhlizdə quraşdırılan 1 ədəd kondisioner və sahəsi 20 kv.m olan bitişik talvarın tavanı əriyib.
Evin digər hissələrinə və ətraf infrastruktura ziyan dəyməyib.
Hadisə yerinə FHN-in əməkdaşları cəlb olunublar. Yanğın söndürülüb.
