Xətai rayonunda yanğın hadisəsi baş verib. Bu haqda bu gün, 4 iyul tarixində Bakuplus.az Fövqəladə Hallar Nazirliyinə istinadən xəbər verir.
Alışma doqquzmərtəbəli yaşayış binasının pilləkən qəfəsinin 2-ci mərtəbəsində qeydə alınıb. Nəticədə elektrik lövhəsində 10 ədəd sayğac, 3 ədəd qoruyucu açar və kabel yanıb. Yanğın zamanı tüstülənmiş mənzillərdən 8 nəfər bina sakini təxliyə edilib. Ətrafdakı digər infrastruktura ziyan dəyməyib.
Hadisə yerinə FHN-in əməkdaşları cəlb olunublar. Yanğın söndürülüb.
