Xəzər rayonunda gəlin tərəfindən döyülən qayınananın son vəziyyəti məlum olub.
Oxu.az-dan verilən məlumata əsasən, qadın ötən gün Xəzər Tibb Mərkəzinə daxil olub. Olqa Əliyevaya sağ bazu nahiyəsinin, sağ süd vəzinin qansızması və sağ bud-çanaq nahiyəsinin gərilməsi diaqnozu qoyulub. O, müvafiq tibbi xidmətlər göstərildikdən sonra ambulator müalicə üçün evə buraxılıb.
09:52 - Xəzər rayonunda 57 yaşlı qadın döyülüb
Bakının Xəzər rayonunda qadın döyülüb. Bu haqda bu gün, 10 noyabr tarixində Bakuplus.az Report-a istinadən xəbər verir.
57 yaşlı Olqa Əliyeva ağır xəsarətlə təcili tibbi yardım briqadasının köməkliyi ilə xəstəxanaya çatdırılıb. Müayinə zamanı ona bədənin və üz nahiyəsinin çoxsaylı əzikləri diaqnozu qoyulub.
Əməli törətməkdə qadının gəlini şübhəli bilinir. Faktla bağlı araşdırma aparılır.
