Bakıda qəza zamanı xəsarət alanlardan birinin qolu amputasiya edilib. Bu haqda 2 aprel tarixində APA məlumat verib.
Xəzər rayonu, Qala qəsəbəsi ərazisində “VAZ 2107” markalı avtomobil “Mercedes” markalı nəqliyyat vasitəsi ilə toqquşub. Qəza zamanı biri körpə olmaqla ailənin 4 üzvü - 3 yaşlı Mələk Ağaməliyeva, 34 yaşlı Kamal Ağaməliyev, 30 yaşlı Dadaş Ağaməliyev və 26 yaşlı Xatirə Ağaməliyeva müxtəlif dərəcəli bədən xəsarətləri alaraq xəstəxanaya yerləşdiriliblər.
“VAZ 2107” markalı avtomobilin sürücüsü 61 yaşlı Nadir İmanov ağır xəsarət alaraq xəstəxanaya yerləşdirilib və orada sol qolu amputasiya edilib.
Faktla bağlı araşdırma davam edir.
