Paytaxt ərazisində narkotik satışı ilə məşğul olan şəxs saxlanılıb. Bu haqda BakuPlus.az Daxili İşlər Nazirliyinə istinadən bu gün, 13 iyun tarixində xəbər verir.
Xəzər rayonu, Zirə qəsəbəsində, yaşadığı evin həyətində narkotik tərkibli bitkilər əkib-becərən Anar Süleymanov saxlanılıb.
Onun evinə və istixanaya baxış keçirilən zaman ümumi çəkisi 15 kiloqram olan 53 ədəd çətənə kolu və 11 kiloqram marixuana aşkar edilib.
Anar Süleymanov narkotik tərkibli bitkilərini satmaq məqsədilə əkdiyini və xüsusi qulluq etdiyini bildirib.
Faktla bağlı Cinayət Məcəlləsinin müvafiq maddəsi ilə cinayət işi başlanılıb.
