Bakıda narkotacirlər saxlanılıb. Bu haqda 14 mart tarixində Daxili İşlər Nazirliyi məlumat verib.
Xəzər rayonu, Zirə və Türkan qəsəbələrində narkotik vasitə və psixotrop maddələrin satışı ilə məşğul olan İsrafil Hüseynov və Baba Pənahov saxlanılıblar. Hüseynovun üzərində və yaşadığı evin həyətində ümumi çəkisi 10 kiloqram olan heroin, marixuana və metamfetamin aşkar edilib. Pənahovun üzərinə və evinə baxış keçirilən zaman 1 kiloqramdan artıq heroin tapılıb.
İsrafil Hüseynov əvvəllər də narkotik vasitələrin satışı ilə məşğul olduğu üçün məhkum edilmişdir.
Faktlarla bağlı Cinayət Məcəlləsinin müvafiq maddələri ilə cinayət işləri başlanılıb.
