Xəzər rayonunda metal qəbulu məntəqəsinin sahibi saxlanılaraq istintaqa cəlb edilib. Bu haqda 20 yanvar tarixində Daxili İşlər Nazirliyi xəbər verib.
1-5 yanvar tarixləri arasında Şahin Şəfaqətov Buzovna-Zağulba yolundan 136 ədəd dəmir barmaqlıqlar oğurlayıb və metal qəbulu məntəqələrindən birinə apararaq orada satıb. Oğru yanvarın 10-da polisin keçirdiyi əməliyyat-axtarış tədbirləri nəticəsində tutulub və ona cinayət işi açılıb.
Polis, məntəqənin sahibi Toğrul Musayevi də saxlayıb və o, oğurluq dəmir barmaqlıqları aldığını etiraf edib.
Toğrul Musayev barəsində Cinayət Məcəlləsinin “Cinayət yolu ilə əldə edildiyini bilə-bilə pul vəsaitlərini və ya digər əmlakı əldə etmə, onlara sahiblik və ya onlardan istifadə etmə, yaxud sərəncam vermə” maddəsi ilə cinayət işi başlanılıb.
