Bakının Xəzər rayonunda yanğın hadisəsi baş verib. Bu haqda bu gün, 9 aprel tarixində Bakuplus.az Fövqəladə Hallar Nazirliyinə (FHN) istinadən xəbər verir.
Alışma birmərtəbəli yeddiotaqlı evdə qeydə alınıb. Ümumi sahəsi 150 kv.m olan tikilinin dam örtüyü 50 kv.m sahədə, 2 otağın yanar konstruksiyaları və ev əşyaları 30 kv.m sahədə yanıb.
Əraziyə FHN-in əməkdaşları cəlb olunublar. Evin qalan hissəsi yanğından mühafizə olunub. Yanğın söndürülüb. Xəsarət alan olmayıb.
