Gün ərzində paytaxtda iki yanğın hadisəsi qeydə alınıb. Bu haqda BakuPlus.az Fövqəladə Hallar Nazirliyinə istinadən bu gün, 15 iyun tarixində xəbər verir.
Qaradağ rayonunda beşmərtəbəli yaşayış binasının beşinci mərtəbəsində ümumi sahəsi 75 kv.m olan mənzilin yanar konstruksiyaları 13 kv.m sahədə yanıb.
Paytaxtın Xəzər rayonunda ümumi sahəsi 270 kv.m olan bir dam altında tikilən birmərtəbəli kafe və avtomobil təmiri sexinin dam örtüyünün yanar konstruksiyaları 80 kv.m sahədə yanıb.
Yanğın baş verən ünvanlara FHN əməkdaşları cəlb edilib.
Hər iki yanğın söndürülüb. Mənzilin və obyektlərin qalan hissələri yanğından mühafizə olunub.
