Bakının Xəzər rayonunda avtomobil qatarla toqquşub. Bu haqda bu gün, 20 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Dübəndi-Zirə dəmir yolu xəttinin 23-cü kilometrində dövlət qeydiyyat nişanı 77-KD-762 olan “Toyota Prius” markalı avtomobil qorunmayan dəmiryol keçidini keçərkən qatarla toqquşub. Maşınist təcili tormozlama etsə də, qəza qaçılmaz olub.
Qəza nəticəsində avtomobilin sürücüsü və 2 nəfər sərnişin xəsarət alıblar. Sərnişin deformasiyaya uğramış avtomobildə sıxılı vəziyyətdə qalıb. Hadisə yerinə cəlb olunan FHN əməkdaşları tərəfindən avtomobildən çıxarılan sərnişinlər sürücü ilə birgə xəstəxanaya aparılıb.
Faktla bağlı Dəmir Yolu Nəqliyyatında Polis İdarəsində araşdırma aparılır.
[video width="352" height="640" mp4="https://bakuplus.az/storage/photos/2023/07/video_2023-07-20_13-29-32.mp4"][/video]
