Bakının Xəzər rayonunda 37 yaşlı kişi iki saatlıq axtarışlardan sonra dənizdən tapılaraq xilas edilib. Bu haqqa bu gün, 9 avqust tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
FHN-in qaynar xəttinə Zuğulba kəndində 37 yaşlı Teymur Məmmədovun dənizdə batması barədə məlumat daxil olub.
Hadisə yerinə dalğıc-xilasedicilər cəlb olunublar. İki saata yaxın davam edən axtarışlardan sonra Məmmədov açıq dənizdə huşsuz vəziyyətdə tapılaraq həkim briqadasına təhvil verilib.
Təcili tibbi yardım tədbirləri sayəsində onun həyatını xilas etmək mümkün olub. Bundan sonra kişi xəstəxanaya yerləşdirilib.
