Yasamal rayonunda “VAZ-2107” 5 avtomobili yararsız hala salıb. Bu haqda 5 oktyabr tarixində Lent.az məlumat verib.
Cəfər Cabbarlı küçəsində “VAZ-2107” markalı avtomobilin sürücüsü manevr qaydalarını pozaraq yüksək sürətlə yolda hərəkətdə olan Samir Talıbovun idarə etdiyi “Daewoo” markalı maşına çarpılıb. Talıbova məxsus avtomobil isə yol kənarında saxlanılan, binada yaşayan sakinlərə məxsus “BMW” və “Mercedes” markalı avtomobillərə dəyərək dayanıb. “VAZ-2107” isə aşaraq yol kənarında dayanan “Kia” və “BMW” markalı maşınlara dəyib. Zərbə nəticəsində “VAZ”da olan sərnişin və sürücü müxtəlif bədən xəsarətləri alıblar.
Sürücülərin məlumatına görə, “VAZ”-ı idarə edən sürücü avtoxuliqanlıq edib.
Hadisə yerinə polis əməkdaşları cəlb olunublar və sürücülərdən izahat alınıb. Avtotexniki ekspertiza təyin edilib.
[caption id="attachment_73192" align="alignnone" width="640"]
Foto Lent.az saytı[/caption]
