Paytaxtın Yasamal rayonunda iki nəfər sərxoş vəziyyətdə olan şəxsə qarşı soyğunçuluq edib. Bu haqda bu gün, 28 dekabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Şikayətçi tərəfindən polisə verilən məlumata görə, rayon ərazisində tanımadığı iki nəfər onun sərxoş vəziyyətdə olmasından istifadə edib və mobil telefonunu soyğunçuluq yolu ilə aldadıb.
Görülən tədbirlər nəticəsində əməli törətməkdə şübhəli bilinən 27 yaşlı Tohid Məmmədov və 24 yaşlı İsmayıl Qəhrəmanov saxlanılıblar. Onların qanunsuz hərəkətləri ərazidə olan müşahidə kameralarına da düşüb.
Faktla bağlı araşdırma davam etdirilir, Yasamal RPİ-nin İstintaq Şöbəsinə göndərilib. Saxlanılan şəxslərin qanunsuz əməllərindən zərər çəkən başqa vətəndaşlar varsa, polis orqanlarına müraciət edə bilərlər.
