Bakının Yasamal rayonunda kondisioner ustası faciəvi şəkildə ölüb. Bu haqda bu gün, 1 iyun tarixində Report məlumat verib.
Hadisə ötən gün Dadaş Bünyadzadə küçəsində yerləşən binanın ikinci mərtəbəsində baş verib. Rəhman Səfərov "Yasamal yağdəyişmə mərkəzi"nə kondisioner quraşdırmaq məqsədilə gəlib. O, otaq pəncərəsindən keçməklə çöl divar hissəsində kondisionerin motorunu quraşdırarkən ehtiyatsızlıqdan yıxılaraq müxtəlif bədən xəsarətləri alıb.
Xəsarət alan kişi 1 saylı Kliniki Tibbi Mərkəzə aparılıb. Lakin həkimlərin səylərinə baxmayaraq, o, aldığı xəsarətlərdən ölüb.
Faktla bağlı Yasamal Rayon Prokurorluğunda araşdırma aparılır.
