Bakının Yasamal rayonu, A.M.Şərifzadə küçəsində yerləşən mağazaların birində quldurluq hadisəsi qeydə alınıb. Bu haqda bu gün, 21 iyul tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata görə, ötən gün saat 20:00 radələrində naməlum kişi satıcını kəsici alətlə hədələyərək quldurluq yolu ilə oradan geyim əşyası talayıb.
Yasamal RPİ 29-cu Polis Şöbəsi əməkdaşlarının keçirdikləri əməliyyat tədbiri nəticəsində əməli törətməkdə şübhəli bilinən paytaxt sakini, əvvəllər də soyğunçluq və narkotiklərlə əlaqəli cinayətlərə görə məhkum olunmuş Aydın Abbasov saxlanılıb.
Araşdırma zamanı onun iyulun 18-də soyğunçuluq yolu ilə bir qadının içərisində pulu və mobil telefonu olan pulqabısını talaması da müəyyən olunub. Araşdırma davam edir.
