Oxu.az-ın verdiyi məlumata əsasən, DİN açıqlama verib ki, sözügedən tumbalar oğurlanmayıb.
Belə ki, 23 yanvar tarixində həmin ərazidə yol qəzası baş vermiş və avtomobil tumbaları qopmuşdu:
“Həmin tumbalar yararsız vəziyyətə düşdüyündən BNA-nın əməkdaşları tərəfindən sökülərək ərazidən götürülüb”, – deyə qurum bildirib.
11:56 - Yasamalda maşınların piyada səkisinə çıxmağını əngəlləyən tumbalar oğurlanıb – VİDEO
Yasamal rayonunda piyada səkisinə quraşdırılan tumbalar yoxa çıxıb. Bu haqda bu gün, 31 yanvar tarixində Bakuplus.az ATV-yə istinadən xəbər verir.
Hadisə Kamal Rəhimov və Abbas Mirzə Şərifzadə küçələrinin kəsişməsində baş verib. Avtomobillərin səkiyə çıxmaması üçün səki üzərində tumbalar quraşdırılıb. Ancaq bir gecə içində naməlum şəxslər tərəfindən həmin tumbalar çıxarılıb.
“Bir neçə dəfə belə hal olmuşdu. Sonra gəlib yenidən quraşdırmışdılar”, – deyə sakinlər bildirirlər.
Azərbaycan Yerüstü Nəqliyyat Agentliyindən (AYNA) məsələ ilə bağlı bildirilib ki, sözügedən tumbalar oğurlanıb. Bununla bağlı hüquq-mühafizə orqanlarına müraciət olunub.
