Bakının Yasamal rayonunda avtomobil qaçırılıb. Bu haqda bu gün, 11 may tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə verilən məlumata görə, vətəndaşların birinə məxsus olan “Mercedes” markalı avtomobil qaçırılıb.
Polis əmədaşlarının keçirdikləri tədbir nəticəsində əməli törədən paytaxt sakinləri Nurlan Cəlilov, Vüsal Dadaşov və Emil Əliyev saxlanılıblar.
Araşdırma zamanı saxlanılan şəxslərin oğurladıqları avtomobili satmaq istədikləri müəyyən olunub. Nəqliyyat vasitəsi onların gizlətdikləri ünvandan tapılaraq sahibinə təhvil verilib.
Hazırda araşdırma aparılır. Onların qanunsuz əməllərindən zərər çəkən başqa şəxslər varsa, bu barədə polisə müraciət edə bilərlər.
