17:16 - Yenilənib
DİN-dən yenilənən məlumata əsasən, oğurluqları törədənlərin üç nəfər olduğu məlum olub. Dəstənin üzvləri: Ümid Hüseynzadə, Nurlan Hüseynov və Məhəmməd Əligülüzadənin Yasamal rayonunda ümumi dəyəri 12 min manata yaxın olan 5 ədəd moped oğurladıqları müəyyən edilib. Onlar oğurladıqları mopedləri paytaxt ərazisində müxtəlif şəxslərə günü 10-12 manata icarəyə verərək pul əldə ediblər. Oğurluqlar təhlükəsizlik kameraları vasitəsilə də lentə alınıb.
[caption id="attachment_81827" align="alignnone" width="640"]
Foto DİN-in rəsmi Youtube kanalı[/caption]
11:23 - Yasamalda moped oğruları tutulublar
Yasamal rayonu ərazisində motosikleti oğurlamaqda şübhəli bilinən şəxslər saxlanılıblar. Bu haqda BakuPlus.az Daxili İşlər Nazirliyinin (DİN) mətbuat xidmətinə istinadən bu gün, 5 dekabr tarixində məlumat verir.
Yasamal RPİ 26-cı Polis Bölməsinə Bakı şəhər sakini E.Bağırova məxsus “Tufan” markalı motosikletin oğurlanması barədə məlumat daxil olub. Aparılan tədbirlər zamanı oğurluğu törətməkdə şübhəli bilinən Bakı şəhər sakini Məhəmməd Əligülzadə və Masallı rayon sakini Ümid Hüseynzadə saxlanılıblar.
İstintaq zamanı onların Bakı şəhər sakini A.Musayevin “Tufan” markalı mopedini də oğurlamaları müəyyən olunub. Araşdırmalar davam edir.
