Bakının Yasamal rayonu, Moskva prospektinə gecə saatlarında qadın geyimində yolun hərəkət hissəsinə çıxaraq avtomobillərin gedişinə mane olan kişi həbs edilib. Bu haqda bu gün, 27 iyun tarixində Bakuplus.az Qafqazinfo-ya istinadən məlumat verir.
Ucadan səs-küy salan şəxs polis əməkdaşlarının tələbinə tabe olmayıb, sərxoş vəziyyətdə müqavimət göstərib. Daha sonra saxlanılaraq Yasamal RPİ-nin 29-cu Polis Şöbəsinə aparılan şəxsin 48 yaşlı S.M. olduğu müəyyən edilib. Ekspertiza onun sərxoş olduğunu təsdiq edib.
Yasamal Rayon Məhkəməsinin qərarına görə, ona 8 sutka müddətinə həbs verilib.
