Yasamal rayonunda daha bir yolayrıcında hərəkət intensivliyi artıb. Bu haqda bu gün, 20 may tarixində Bakuplus.az Nəqliyyatı İntellektual İdarəetmə Mərkəzinə istinadən xəbər verir.
Söhbət rayonun Əbdürrəhim bəy Haqverdiyev küçəsi və Hüseyn Cavid prospektinin kəsişməsindən gedir. Belə ki, əvvəllər sol zolaqda olan nəqliyyat vasitələri sola dönən zaman düzünə hərəkət edən avtomobillər işıqforun qırmızı işığında gözləməli olurdular. Bu da yolda hərəkət intensivliyinin azalmasına və sıxlığın yaranmasına səbəb olurdu.
İndi yolda olan işıqforun sola dönmə fazası vaxtında düzünə hərəkətə icazə verilib. Bununla da sol zolaqda olan nəqliyyat vasitələri sola dönərkən eyni vaxtda digər avtomobillər düzünə gedə biləcəklər.
