Bakının Xəzər rayonu, Binə qəsəbəsində fərdi yaşayış evlərinin birində qətl hadisəsi olub. Bu haqda bu gün, 16 iyul tarixində Azərbaycan Respublikası Baş Prokurorluğunun mətbuat xidməti məlumat verib.
Hadisə 15 iyul, saat 20:00 radələrində baş verib. İlkin məlumata əsasən, aralarında şəxsi münasibətlər zəminində yaranmış mübahisə zamanı 44 yaşlı Arzuman Fazilov keçmiş həyat yoldaşı Vüsalə Əliyevaya çoxsaylı bıçaq xəsarətləri yetirərək onu qəsdən öldürüb.
Hadisə ilə bağlı Xəzər rayon prokurorluğunda “Qəsdən adam öldürmə” maddəsi ilə cinayət işi başlanıb. Fazilov şübhəli şəxs qismində saxlanılıb və istintaqa cəlb edilib. Araşdırmalar davam etdirilir.
